.•:*¨`*:•. منتديات عالم الحب.•:*¨`*:•.



 
الرئيسيةبحـثالتسجيلدخول

شاطر | 
 

 كلب الست احمد فؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali amin

المدير العام


المدير العام


ذكر عدد الرسائل : 1920
نشاط العضو :
0 / 1000 / 100

جنسيتك :
كلمه للاعضاء : كل الاعضاء راحو فيين
   :
نقاط : 4032
تاريخ التسجيل : 27/05/2007

مُساهمةموضوع: كلب الست احمد فؤاد نجم   2007-07-22, 2:20 pm

في الزمالك من سنين
وف حمى النيل العظيم
قصر من عصر اليمين
ملك وحده من الحريم

صيتها اكتر من الآذان
يسمعوه المسلمين
والتتر
والتركمان
والهنود
والمنبوذين
ست فاقت ع الرجال
ف المقام والاحترام
صيت وشهره وتل مال
يعني ف غايه التمام

قصره يعني هي كلمه
ليها كلمه ف الحكومه
بس ربك لجل حكمه
قام حرمها م الامومه
والامومه طبع ثابت
جوه حوّا من زمان
تعمل ايه الست
جابت فوكس رومي وله ودان

فوكس دا عبقال إملتك
عندُه دسته خدّامين
يعني مش موجود ف عيلتك
شخص زيّه يااسماعين

واسماعين دا يبقى واحد
مِ الجماعه الغلبانين
اللي داخو ف المعاهد
والمدارس من سنين

حب يعمل واد فكاكه
ويمشي حبه في الزمالك
والقيامه والفتاكه
يرموا طبعا ع المهالك
عم سمعه من قيامته
حب يعمل فيها فله
بعد ما ألوظ بيجامته
اشترى حِتِه مجلَّه

قول مش بيقرا ف حكايه
من حكايات الغرام
واندماجه ف القرايه
خلا مشيه مش تمام

ع اليمين يحدف بعيد
خطوتين
وتروح شمال
لمحه فوكس من الحديد
قال دا صيد
سهل وحلال

هوب نط ف كرشه دوغري
جاب بجامته لحدِّ ديلها
اسماعين بدال مايجري
قال يارجلي
رجلي مالها

بص شاف الدم سايح
من عاليها ومن واطيها
وياللي جاي
وياللي رايح
المجلة مش لاقيها
حبَّه واتلمّوا الظنايا
اللّي همّا البوابين
والهَكايَه والرَوايه
قال لُهُمْ دا كلب مين ؟
كلب مين
ماكلب مينشي
سُمْعَهْ لبّخ حبّتين
قال له واحد منهم إمشي
اللّي جابك إِنْدُه مين
قال دا شارع ياموَاشي
للجميع
راكب وماشي

كلمه من دا
وكلمه من دا
ظاطو واتقلبت فضيحه
قول نهايته والقصد من دا
اسماعين شرب الطريحه

راحوا قسم الشرطةجمْعاً
والنيابه كفيله بيهم
واترموا ف الحجزطبعاً
لما ييجي الدور عليهم
شاف بلاوي ماتتحكيش
م الهفايا المحبوسين
قال ياعالم
ياشاويش
يانيابة..يامسؤلين

خلِّصوه بعد المناهده
جثه
من جحر الديابه
هيّ يمكن ساعه واحدة
كان في مكتب النيابة

قال له مالك ياسماعين
قال له زي البمب مالي
قال له عضَّك فوكس فين
قال له سيبني أروح لحالي
إنت شوف سي فوكس يمكن
خد تسمُّم غصب عني
الوكيل قال برضه ممكن
والشاويش قعد يغني
هيّص ياكلب الست هيّص
لك مجامك ف البوليس
بكرة تتولِّف وِزارة
للكلاب
ياخدوك رئيس

انت تسوى ف النيابه
تسعميَّة م الغلابة
طب ياريت يافوكس كِنّا
ولاتُربُطنا الجرابة

انت فين والكلب فين
انت كده يااسماعين
طب دا كلب الست يابني
وانت تطلع ابن مين

بشرى لصحاب الديول
واللّي له اربع رجول
بشرى لا سيادنا البهايم
من جمايس أو عجول
اللّي صاحبه ياجماعه
له أغاني ف الاذاعه
راح يدوس فوق الغلابه
والنيابه
بالتباعة
هيّص ياكلب الست هيّص
هيّص ياكلب الست هيّص

الرجوع الى أعلى الصفحة اذهب الى الأسفل
http://worldlove.justgoo.com
زائر
زائر



مُساهمةموضوع: رد: كلب الست احمد فؤاد نجم   2007-11-03, 7:27 pm

ههههههههههههههههههههههههههههههههه والله كلام جميل
بس على فكره الكلام ده يمشى على زمان وعلى الايام دى فهمنى طبعا
ومشكوووووووووووووووووووووووووور على الموضوع التحفه ده وعايزين اكتر من المواضيع النادره
الرجوع الى أعلى الصفحة اذهب الى الأسفل
كناريا
الاداره
الاداره
avatar

ذكر عدد الرسائل : 188
العمر : 30
الدوله : egypt
نشاط العضو :
60 / 10060 / 100

جنسيتك :
كلمه للاعضاء : اتمنى ان اراكم مجتمعين معا
   :
نقاط : 3742
تاريخ التسجيل : 06/09/2007

مُساهمةموضوع: رد: كلب الست احمد فؤاد نجم   2007-11-04, 3:14 pm

ههههههههههههه
هههههههههههه
ههههههههههههه جامد ياواد يا على بيك امين ومشكورررررررررررررر على الموضوع التحفة دة ويارب يكون فى اكتر
مع ارق تحياتى
عاشــــــــــــــــــــــــــــــــــــــــــــــــــــق الطيـــــــــــــــــــــــــــــــــــــــــــور
كنـــــــــــــــــــــــــــــــــــــــــــــــــــــــــــــــاريـــــــــــــــــــــــــــــــــــــــــــا
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: كلب الست احمد فؤاد نجم   2007-11-28, 2:05 am

هههههههههههههههههههههههههههههههههههه ميرسى ياعلى باشا
الرجوع الى أعلى الصفحة اذهب الى الأسفل
nada
مشرفه المنتدى الترفيهى
مشرفه المنتدى الترفيهى
avatar

انثى عدد الرسائل : 1163
العمر : 32
الدوله : المغرب
نشاط العضو :
70 / 10070 / 100

جنسيتك :
كلمه للاعضاء : اتمنى ان اراكم مجتمعين معا
   :
نقاط : 3637
تاريخ التسجيل : 10/12/2007

مُساهمةموضوع: رد: كلب الست احمد فؤاد نجم   2008-01-25, 4:14 pm

ميرسى على الموضوع الجميل ده

_________________
[img]
الرجوع الى أعلى الصفحة اذهب الى الأسفل
 
كلب الست احمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.•:*¨`*:•. منتديات عالم الحب.•:*¨`*:•. :: «°•.¸ :: المنتدى الادبى:: ¸.•°» :: الشعر والشعراء-
انتقل الى: