.•:*¨`*:•. منتديات عالم الحب.•:*¨`*:•.



 
الرئيسيةبحـثالتسجيلدخول

شاطر | 
 

 رباعيات صلاح جاهين الجزء 2

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali amin

المدير العام


المدير العام


ذكر عدد الرسائل : 1920
نشاط العضو :
0 / 1000 / 100

جنسيتك :
كلمه للاعضاء : كل الاعضاء راحو فيين
   :
نقاط : 4032
تاريخ التسجيل : 27/05/2007

مُساهمةموضوع: رباعيات صلاح جاهين الجزء 2   2007-07-22, 2:11 pm

رباعيات صلاح جاهين

أشعار بالعامية المصرية


كروان جريح مضروب شعاع م القمر
سقط من السموات فؤاده انكسر
جريت عليه قطه علشان تبلعه
اتاريه خيال شعراء ومالهوش اثر
عجبي !!

يالي نصحت الناس بشرب النبيت
مع بنت حلوه .. وعود , وضحك , وحديت
مش كنت تنصحهم منين يكسبوا
تمن ده كله ؟ .... والا يمكن نسيت
عجبي !!

ماحد في الدنيا دي واخد جزاته
ولا حد بيفكر في غير لذاذاته
ماتعرفيش ياحبيبتي .. انا وانتي مين ؟
انتي عروس النيل .. وانا النيل بذاته
عجبي !!

رقاصه خرسا ورقصه من غير ندم
دنيا : يامين يصالحها قبل الندم
ساعتين تهز بوجهها يعني لا
يترجرجوا نهديها يعني نعم
عجبي !!

اخطفني ياللي تحبني ع الحصان
الدنيا قالت يوم في ماضي الزمان
اخطفني ياللي تحبني ع الفرس
الدنيا قالت ... قام خطفها الشيطان
عجبي !!

من بين شقوق الشيش وشقشقت لك
مع شهقه العصافير وزقزقت لك
نهار جديد انا ... قوم نشوف نعمليه
انا قلت ياح تقتلني ... يا ح اقتلك
عجبي !!

قلبي عليل ياناس وفي الكاس دواه
مديت له ايدي شربت م اللي حواه
جنبي الشمال خف ... اليمين اتوجع
وايه يداوي الكبد م اللي كواه
عجبي !!

دي مذ كرات وكتبتها من سنين
في نوته زرقا لون بحر الحنين
عترت فيها ... رميتها في المهملات
وقلت اما صحيح كلام ومخبولين
عجبي!!

دخل الشتا وقفل البيبان ع البيوت
وجعل شعاع الشمس خيط عنكبوت
حاجات كتير بموت في ليل الشتا
لكن حاجات اكتر بترفض تموت
عجبي !!

الدنيا من غير الربيع ميته
ورقه شجر ضعفانه ومفتفته
لا ياجدع غلطان تامل وشوف
زهر الشتا طالع في عز الشتا
عجبي !!

ياللي انتي بيتك قش مفروش بريش
تقوي عليه الريح ... يصبح مفيش
عجبي عليك حواليك مخالب كبار
ومالكش غير منقار وقادر تعيش
عجبي !!

سمعت نقطه ميه جوه المحيط
بتقول لنقطه ماتنزليش في الغويط
اخاف عليكي م الغرق .. قلت انا
ده اللي يخاف من الوعد يبقي عبيط
عجبي !!

جالك اوان ووقفت موقف وجود
يا تجود بده ياقلبي يابده تجود
ماحد يقدر يبقي علي كل شئ
مع ان – عجبي – كل شئ موجود
عجبي !!

جالك اوان وعرفت مشي الخنازير
كيف شفتها ياعبد رب اللذايذ
قال : شفت شيل بالحيل فقر او امير
كما شالوا في الخمامير فواضي القزايز
عجبي !!

انا كنت شئ وصبحت شئ ثم شئ
شوف ربنا ... قادر علي كل شئ
هز الشجر شواشيه ووشوشني قال :
لابد مايموت شئ عشان يحيا شئ
عجبي !!

يا مشرط الجراح امانه عليك
وانت ف حشايا تبص من حواليك
فيه نقطه سوده في قلبي بدات تبان
شيلها كمان ... والفضل يرجع اليك
عجبي !!

كيف شفت قلبي والنبي ياطبيب
همد ومات والا سامع له دبيب
قالي لقيته مختنق بالدموع
ومالوش دوا غير لمسه من ايد حبيب
عجبي !!

تسلم ياغصن الخوخ ياعود الحطب
ييجي الربيع ... تطلع زهورك عجب
وانا ليه بيمضي ربيع وييجي ربيع
ولسه برضك قلبي حته خشب
عجبي !!

بحر الحياه مليان بغرقي الحياه
صرخت خش الموج في حلقي ملاه
قارب نجاه ! .. صرخت قالوا مفيش
غير بس هو الحب قارب نجاه
عجبي !!

فارس وحيد جوه الدروع الحديد
رفرف عليه عصفور وقال له نشيد
منين منين ... ولفين لفين ياجدع
قال من بعيد ولسه رايح بعيد
عجبي !!

كان فيه قمر كأنه فرخ الحمام
علي صغره دق شعاع شق الغمام
انا كنت حاضر قلت له ينصرك
اشحال لما ح تبقي بدر التمام
عجبي !!

النهد زي الفهد نط اندلع
قلبي انهبش بين الضلوع وانخلع
ياللي نهيت البنت عن فحشها
قول للطبيعه كمان تبطل دلع
عجبي !!

صوتك يابنت الايه كانه بدن
يرقص يزيح الهم يمحي الشجن
ياحلوتي وبدنك كانه كلام
كلام فلاسفه سكروا نسيوا الزمن
عجبي !!

كرباج سعاده قلبي منه انجلد
رمح كانه حصان ولف البلد
ورجع لي نص الليل وسالني .. ليه
خجلان تقول انك سعيد ياولد
عجبي !!

مزيكه هاديه الكون فيها انغمر
وصيف وليل وعقد وفل وسمر
ياهلتري الناس كلهم مبسوطين
ويا هلتري شايفين جمال القمر ؟
عجبي !!

انشد ياقلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه الف الف احتمال
عجبي !!

أه لو انا ومحبوبتي جزنا الفضا
في سفينه وحدينا .. واشيا رضا
ساعه صفا تعجبنا نرجع لها
والهم قبل مايجي .. يبقي مضي
عجبي !!

انا اله الوجد رب الهيام
اضرب بسهم الوهم وهم الغرام
وهم الغرام من كتر ماهو لذيذ
رشقت انا ف صدري جميع السهام
عجبي !!

حدوته عن جعران وعن خنفسه
اتقابلوا حبوا بعض ساعه ميسا
ولا قال لهم حد اختشوا عيب حرام
ولا حد قال دي علاقه متدنسه
عجبي !!

ياللي عرفت الحب يوم وانطوي
حسك تقول مشتاق لنبع الهوي
حسك تقول مشتاق لنبع الغرام
ده الحب .. مين داق منه قطره.. ارتوي
عجبي !!

زحام وابواق سيارات مزعجه
اللي يطول له رصيف .. يبقي نجا
لو كنت جنبي ياحبيبي انا ؟
مش كنت اشوف ان الحياه مبهجه؟
عجبي !!

ايديا في جيوبي وقلبي طرب
سارح في غربه بس مش مغترب
وحدي لكين ونسان وماشي كده
وبابتعد .. ما اعرفش .. او باقترب
عجبي !!

ياميت ندامه علي القلوب الخلا
لا محبه فيها ولا كراهه ولا
حتي ياقلبي الحزن ما عادش فيك
معلهش .. لك يوم برضه راح تتملا
عجبي !!

مرحب ربيع مرحب ربيع مرحبه
ياطفل ياللي ف دمي ناغا وحبا
علشان عيونك ياصغن هويت
حتي ديدان الارض والاغربه
عجبي !!

فتحت شباكي لشمس الصباح
مادخلش منه غير عويل الرياح
فتحت قلبي علشان ابوح بالالم
ماخرجش منه غير محبه وسماح
عجبي !!

غمست سنك في السواد ياقلم
علشان ماتكتب شعر يقطر الم
مالك جرالك ايه يامجنون .. وليه
رسمت ورده وبيت وقلب وعلم
عجبي !!

انا الذي عمري اشتياق في اشتياق
وقطر داخل في محطه فراق
قصد نبع السهم وشربت سم
من كتر شوقي وعشمي في الترياق
عجبي !!

انا الذي عشت الزمن مضيعه
بروح حزينه معفنه مضعضعه
زرعت شجره سنط لجل انجرح
لقيتها شعر البنت ومفرعه
عجبي !!

لو فيه سلام في الارض وطمان وأمن
لو كان مفيش ولا فقر ولا خوف ولا جبن
لو يملك الانسان مصير كل شئ
انا كنت اجيب للدنيا ميت الف ابن
عجبي !!

العشب طاطا للنسايم ونخ
اخضر طري مالهش في الحسن اخ
عصفور عبيط انا .. غاوي بهجه وغنا
ح انزل هنا .. وانشا الله يهبرني فخ
عجبي !!

غمض عينيك وارقص بخفه ودله
الدنيا هي الشابه وانت الجدع
تشوف رشاقه خطوتك تعبدك
لكن انت لو بصيت لرجليك تقع
عجبي!!

حاسب من الاحزان وحاسب لها
حاسب علي رقابيك من حبلها
راح تنتهي ولابد راح تنتهي
مش انتهت احزان من قبلها ؟
عجبي !!

يأسك وصبرك بين ايديك وانت حر
تيأس ما تيأس الحياه راح تمر
انا دقت مندا ومندا عجبي لقيت
الصبر مر وبرضك اليأس مر
عجبي !!

ولدي نصحتك لما صوتي اتنبح
ماتخفش من جني ولا من شبح
وان هب فيك عفريت قتيل اساله
ما دافعش ليه عن نفسه يوم ما اندبح؟
عجبي !!

ولدي اليك بدل البالون ميت بالون
انفخ وطرق فيه علي كل لون
عساك تشوف بعيونك مصير الرجال
المنفوخين في الستره والبنطلون
عجبي !!

خوض معركتها زي جدك ما خاض
صالب وقالب شفتك بامتعاض
هي كده .. ما تنولش منها الامل
غير بعد صد ورد ووجاع مخاض
عجبي !!

كام اشتغلت يانيل في نحت الصخور
مليون بئونه والف مليون هاتور
يانيل انا ابن حلال ومن خلفتك
وليه صعيبه علي بس الامور
عجبي !!

منين اجيبها كلمه متألمه
لعبيه فايره حايره ومصممه
منين اجيب كلمه تكون بنت ارض
تشفي اللي ماشفاهوش كلام السما
عجبي !!

انا قلت كلمه وكان لها معنيين
كما بطن واحده وتوأمين زين وشين
لو دنيا شر .. التوأم الخير يموت
لو دنيا خير .. الشر ح يعيش منين ؟
عجبي !!

انا اللي بالامر المحال اغتوي
شفت القمر نطيت لفوق في الهوا
طلته ما طلتوش ايه انا يهمني
وليه .. مادام بالنشوه قلبي ارتوي
عجبي !!

بره القزازه كان غيم وامطار وبرق
مايهمنيش – انا قلت – ولا عندي فرق
غيرت رايي بعد ساعه زمان
وكنت في الشارع .. وفي الجزمه خرق
عجبي!!

عيني رات مولود علي كتف امه
يصرخ تهنن فيه يصرخ تضمه
يصرخ تقول يا ابني ما تنطق كلام
ده اللي ما يتكلمش يا كتر همه
عجبي !!

ياعندليب ماتخافش من غنوتك
قول شكوتك واحكي علي بلوتك
الغنوه مش راح تموتك انما
كتم الغنا هو اللي ح يموتك
عجبي !!
الرجوع الى أعلى الصفحة اذهب الى الأسفل
http://worldlove.justgoo.com
زائر
زائر



مُساهمةموضوع: رد: رباعيات صلاح جاهين الجزء 2   2007-11-28, 12:09 am

ميرسى على الموضوع الجميل دا
الرجوع الى أعلى الصفحة اذهب الى الأسفل
nada
مشرفه المنتدى الترفيهى
مشرفه المنتدى الترفيهى
avatar

انثى عدد الرسائل : 1163
العمر : 32
الدوله : المغرب
نشاط العضو :
70 / 10070 / 100

جنسيتك :
كلمه للاعضاء : اتمنى ان اراكم مجتمعين معا
   :
نقاط : 3637
تاريخ التسجيل : 10/12/2007

مُساهمةموضوع: رد: رباعيات صلاح جاهين الجزء 2   2008-01-25, 4:34 pm

ميرسى على الموضوع الجميل ده

_________________
[img]
الرجوع الى أعلى الصفحة اذهب الى الأسفل
nossa
عضو نشيط
عضو نشيط
avatar

انثى عدد الرسائل : 379
العمر : 32
الدوله : egypt
الوظيفه : dont know
المدينه : cairo
نشاط العضو :
60 / 10060 / 100

جنسيتك :
كلمه للاعضاء : اتمنى ان اراكم مجتمعين معا
   :
نقاط : 3499
تاريخ التسجيل : 25/01/2009

مُساهمةموضوع: رد: رباعيات صلاح جاهين الجزء 2   2009-04-10, 9:05 pm

ميرسى يا على باشا على الموضوع
الرجوع الى أعلى الصفحة اذهب الى الأسفل
عاشقة المحبة
مشرفه منتدى كلام فى الحب
مشرفه منتدى كلام فى الحب
avatar

انثى عدد الرسائل : 902
العمر : 27
الدوله : فلسطين
الوظيفه : طالبة
المدينه : غزة
نشاط العضو :
60 / 10060 / 100

جنسيتك : فلسطينية مهما اكون
كلمه للاعضاء : الجهاد في سبيل الله
هوايتك :
   :
نقاط : 4240
تاريخ التسجيل : 09/09/2009

مُساهمةموضوع: رد: رباعيات صلاح جاهين الجزء 2   2009-10-09, 4:37 pm

ثانك يوووووووووووووو
الرجوع الى أعلى الصفحة اذهب الى الأسفل
 
رباعيات صلاح جاهين الجزء 2
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.•:*¨`*:•. منتديات عالم الحب.•:*¨`*:•. :: «°•.¸ :: المنتدى الادبى:: ¸.•°» :: الشعر والشعراء-
انتقل الى: