.•:*¨`*:•. منتديات عالم الحب.•:*¨`*:•.



 
الرئيسيةبحـثالتسجيلدخول

شاطر | 
 

 رباعيات صلاح جاهين ج1

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali amin

المدير العام


المدير العام


ذكر عدد الرسائل : 1920
نشاط العضو :
0 / 1000 / 100

جنسيتك :
كلمه للاعضاء : كل الاعضاء راحو فيين
   :
نقاط : 4032
تاريخ التسجيل : 27/05/2007

مُساهمةموضوع: رباعيات صلاح جاهين ج1   2007-07-22, 2:07 pm

مع إن كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقي ناس اشرار وناس طيبين
عجبي !!

عجبي عليك .. عجبي عليك يازمن
ياابو البدع يامبكي عيني دما
ازاي انا اختار لروحي طريق
وانا اللي داخل في الحياه مرغما
عجبي !!

مرغم عليك ياصبح مغصوب ياليل
لادخلتها برجليا ولا كانلي ميل
شايلني شيل دخلت انا في الحياه
وبكره هخرج منها شايلني شيل
عجبي !!

سنوات فايته عليه فوج بعد فوج
واحده خدتني ابن والتانيه زوج
والثالثه اب خدتني والرابعه ايه
ايه يعمل اللي بيحدفه موج لموج
عجبي !!

وانا في الضلام من غير شعاع يهتكه
اقف مكاني بخوف ولا اتركه
ولما يجي النور واشوف الدروب
احتار زياده .... ايهم اسلكه
عجبي !!

نظرت في الملكوت كتير وانشغلت
وبكل كلمه ( ليه؟ ) و (عشانيه؟ ) سألت
اسأل سؤال ... الرد يرجع سوال
واخرج وحيرتي اشد مما دخلت
عجبي !!

خرج ابن ادم من العدم قلت : ياه
رجع ابن ادم للعدم قلت : ياه
تراب بيحيا .... وحي بيصير تراب
الاصل هو الموت ولا الحياه ؟
عجبي !!

ضريح رخام فيه السعيد اندفن
وحفره فيها شريد من غير كفن
مريت عليهم .. قلت يا للعجب
لا تنين ريحتهم فيها نفس العفن
عجبي !!


ياما صادفت صحاب ماصحبتهمش
وكاسات خمور وشراب وماشربتهمش
اندم علي الفرص اللي انا سبتهم
والا الفرص اللي ماسبتهمش
عجبي !!


والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
عجبي !!

غدر الزمان ياقلبي مالهوش امان
وحايجي يوم تحتاج لحبه ايمان
قلبي ارتجف وسالني .. أأمن بايه ؟
أأمن بايه .. محتار بقالي زمان ؟
عجبي !!

ياباب ايا مقفول .. امتي الدخول
صبرت وياما واللي يصبر ينول
دقيت سنين .. والرد يرجع لي : مين ؟
لو كنت عارف مين انا .. كنت اقول
عجبي !!

انا شاب لكن عمري ولا الف عام
وحيد ولكن بين ضلوعي زحام
خايف ولكن خوفي مني انا
اخرس ولكن قلبي مليان كلام
عجبي !!

احب اعيش ولو اعيش في الغابات
اصحي كما ولدتني امي وابات
طائر .. حوان .. حشره .. بشر ..بس اعيش
محلا الحياه .. حتي في هيئه نبات
عجبي !!


سهير ليالي وياما لفيت وطفت
وف ليله راجع في الضلام قمت شفت
الخوف .. كانه كلب سد الطريق
كنت عاوز اقتله .. بس خفت
عجبي !!


كان فيه زمان سحليه طول فرسخين
كهفين عيونها وخشمها بربخين
ماتت .. لكين الرعب لم عمره مات
مع انه فات بدل التاريخ تاريخين
عجبي!!

عجبتي كلمه من كلام الورق
النور شرق من بين حروفها وبرق
حبيت اشيلها في قلبي .. قالت حرام
ده انا كل قلب دخلت فيه اتحرق
عجبي

رقبه قزازه وقلبي فيها انحشر
شربت كاس واثنين وخامس عشر
صاحبت ناس م الخمره ترجع وحوش
وصاحبت ناس م الخمره ترجع بشر
عجبي !!


كل الي في الخمار صابهم جنون
صبحوا الرجال يتبادلوا كاس المنون
بدم ونبيت انكتب علي الجدران
" ياميت ندامه علي اللي قلبه حنون "
عجبي !!

قالوا الشقيق بيمص دم الشقيق
والناس ماهياش ناس بحق وحقيق
فلبي رميته وجبت .. غيره حجر
داب الحجر ... ورجعت قلبي رقيق
عجبي !!

يوم قلت اه .. سمعوني قالوا فسد
ده كان جدع قلبه حديد واتحسد
رديت علي اللايمين انا وقلت .. اه
لو تعرفوا معني زئير الاسد
عجبي !!

بين موت وموت .. بين النيران والنيران
ع الحبل ماشين الشجاع والجبان
عجبي علادي حياه .. ويا للعجب
ازاي انا - ياتخين – بقيت بهلوان
عجبي !!

انا قلبي كان شخشيخه اصبح جرس
جلجلت به صحيوا الخدم والحرس
انا المهرج .. قمتو ليه خفتو ليه
لاف ايدي سيف ولا تحت مني فرس
عجبي !!

دخل الربيع يضحك لقاني حزين
نده الربيع علي اسمي لم قلت مين
حط الربيع ازهاره جنبي وراح
وايش تعمل الازهار للميتين
عجبي !!

مهبوش بخربوش الالم والضياع
قلبي منزوع من الضلوع انتزاع
يامرايتي ياللي بترسمي ضحكتي
ياهلتري ده وش والا قناع
عجبي !!

حبيت .. لكن حب من غير حنان
وصاحبت لكن صحبه مالهاش امان
رحت لحكيم واكتر لقيت بلوتي
ان اللي جوه القلب مش ع اللسان
عجبي !!

ليه ياحبيبي مابينا دايما سفر
ده البعد ذنب كبير لا يغتفر
ليه ياحبيبي مابينا دايما بحور
اعدي بحر الاقي غيره اتحفر
عجبي !!

ورا كل شباك الف عين مفتوحين
وانا وانتي ماشين ياغرامي الحزين
لو التصقنا نموت بضربه حجر
ولو افترقنا نموت متحسرين
عجبي !!

نوح راح لحاله والطوفان استمر
مركبنا تايهه لسه مش لاقيه بر
اه من الطوفان واهين يا بر الامان
ازاي تبان والدنيا غرقانه شر
عجبي !!

علي رجلي دم .. نظرت ليه ما احتملت
علي ايدي دم ... سالت : ليه ؟ لم وصلت
علي كتفي دم وحتي علي راسي دم
انا كلي دم .. قتلت ؟ .. والا اتقلت
عجبي !!


انا كل يوم اسمع .. فلان عذبوه
اسرح في بغداد والجزاير واتوه
مااعجبش م اللي يطيق بجسمه العذاب
واعجب من اللي يطيق يعذب اخوه
عجبي !!

ينبوع وفي الحواديت انا سمعت عنه
انه عجيب .. وف وسط لهاليب لكنه
شقيت كما الفرسان طريقي .. لقيت
حتي الخنازير والكلاب شربوا منه
عجبي !!

ياقرص شمس مالهش قبه سما
ياورد من غير ارض شب ونما
يا أي معني جميل سمعنا عليه
الخلق ليه عايشين حياه مؤلمه
عجبي !!

شاف الطبيب جرحي وصف له الامل
وعطاني منه مقام يا دوب ما اندمل
مجروج جديد ياطبيب وجرحي لهيب
ودواك فرغ مني ... وايه العمل ؟
عجبي !!

اعرف عيون هي الجمال والحسن
واعرف عيون تاخد القلوب بالحضن
وعيون مخيفه وقاسيه وعيون كتير
باحس فيها كلهم بالحزن
عجبي !!
الرجوع الى أعلى الصفحة اذهب الى الأسفل
http://worldlove.justgoo.com
زائر
زائر



مُساهمةموضوع: رد: رباعيات صلاح جاهين ج1   2007-11-28, 12:06 am

ميرسى ياعلى باشا على الموضوع الجميل دا
الرجوع الى أعلى الصفحة اذهب الى الأسفل
nada
مشرفه المنتدى الترفيهى
مشرفه المنتدى الترفيهى
avatar

انثى عدد الرسائل : 1163
العمر : 32
الدوله : المغرب
نشاط العضو :
70 / 10070 / 100

جنسيتك :
كلمه للاعضاء : اتمنى ان اراكم مجتمعين معا
   :
نقاط : 3637
تاريخ التسجيل : 10/12/2007

مُساهمةموضوع: رد: رباعيات صلاح جاهين ج1   2008-01-25, 4:32 pm

ميرسى على الموضوع الجميل ده

_________________
[img]
الرجوع الى أعلى الصفحة اذهب الى الأسفل
nossa
عضو نشيط
عضو نشيط
avatar

انثى عدد الرسائل : 379
العمر : 32
الدوله : egypt
الوظيفه : dont know
المدينه : cairo
نشاط العضو :
60 / 10060 / 100

جنسيتك :
كلمه للاعضاء : اتمنى ان اراكم مجتمعين معا
   :
نقاط : 3499
تاريخ التسجيل : 25/01/2009

مُساهمةموضوع: رد: رباعيات صلاح جاهين ج1   2009-01-25, 6:13 pm

جميل قوى يا على الموضوع ده واكتر حاجه عجبتنى هى
مع ان كل الخلق من اصل طين
وكلهم بينزلوا مغمضين
بعد الدقايق والشهور و السنين
تلاقى ناس اشرار وناس طيبين
عجبى!!!![url][/url]
الرجوع الى أعلى الصفحة اذهب الى الأسفل
 
رباعيات صلاح جاهين ج1
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.•:*¨`*:•. منتديات عالم الحب.•:*¨`*:•. :: «°•.¸ :: المنتدى الادبى:: ¸.•°» :: الشعر والشعراء-
انتقل الى: